مسجات عيد الام عراقية 2015 – مسجات عيد الام باللهجة العراقية

رسائل عن عيد الام باللهجة العراقية – رسائل عراقية عن عيد الام نستعرضها واياكم ونتمنى ان تنال رضاكم واعجابكم

اسم امي امان اعلليخافون
ونقاطه اتصير بالظلمه قناديل
انه امي الكاع هاي الربت رجال
بيهم خورست حلك المقابيل
وقوره وخيره ومن اهل الله ينكال
ام كول وفعل موبس اقاويل
كرامتهه نخلهه وحيله جبال
وصبوره ولو تثور اترد اساطيل
ام جلمه العدله الماتزل يوم
وذهب كل حرف من تحجيه مثاقيل
وحظنهه تراب صح بس لفظا تراب
اذا هزت حظنهه اتذب تماثيل
واذالولت (ولد يبني دلّلول)
نخلهه ايطش شعرشعبي ومواويل
واذا عاشور مرهه دموعهه اتطيح
مواكب تلطم بقامه وزناجيل
امس السافر من اولادهه وراح
تمر لهناك ودتله مراسيل
امي امشيّله من زاخو للفاو
وطرف شيلتهه يوصل للمحاويل
كد مالبست اسود دمهه محروك
واذا تنزف جرح تنزف براميل
انه ارض العراق اسم امي للزين
بس عالشين تتحول عراقيل

شوكي اعليج حاير بيش المه

احط اسمج ابكلبي او انحني اعليه

حته اوي النفس كل يوم اشمه

ماعندي مكان اوين اخليج

رسم وجهج احيرن وين اضمه

لغز كلج لغز ياماي العيون

بس مرات لغزج حيل افهمه

اذا كلبي يدك الغيرج انهاه

واذا ماينتهي بضلوعي اعدمه

خيالج صوره حلوه ابكل الالوان

كليلي خيالج وين ارسمه

اذا فوك الضلع الكه الضلع نار

واذا يمج ركض مابيه الزمه

ياليل المحنه امنين احاجيج

ليلج بيه نجمه ابحضن نجمه

اكولن بيج كلمه او تشهد الناس

لان حبج جذب مابيه اكتمه

اذا يقبل الباري نعبد الغير

العبادة اتصير الج صدكيني يمه

صباح الخير يمه تلـگي ابنچ جاي

گومي من الگبر وبلهفه شميني

صباح الخير يمه وگومي افتحي الباب

طولت بغيابي ارجوچ اعذريني

مرت مده يمه ورسمي عنچ غاب

بس موبيدي والله وزين تدريني

انه وليدچ ييمه وماأخون رباچ

بس الغربه حالت بينچ وبيني

گوميلي ييمه وكسري السرداب

وبنفس الچفن وياچ غطيني

‏****

گوميلي ييمه بگلبي تسعر نار

محتاج لحنانچ فدوه ضميني

گوميلي ييمه عيوني اجت خطار

تشكيلچ عذابي وغربة سنيني

اسمعيني اسمعيني اسمعيني

اريد بگبرج اغفه ،، وياچ خليني

‏****

من يوم الدفنتچ يمه مامرتاح

شلت الهم ييمه منهد عشريني

وطلگت الفرح يايمه ثلث ايمان

وربطت الحزن شديته بيميني

لان ماأگدر انسه وداعتچ معذور

اسمچ هو دمي وكل شراييني

‏****

گوميلي ييمه وداعتچ تعبان

بس بشوفچ ابره وتبتسم عيني

بس انتي الوحيده القادره بهالكون

بتراب الچفن يحبيبه تشريني

اسمعيني ييمه وگومي اترجاچ

مامرجيه منچ هيچي تاذيني

گوميلي آنه جيتچ ماأريد اعذار

طشرني الوكت يايمه لميني

‏****

طبعچ وآنه اعرفچ ملگه للخطار

خطارچ عزيز وماتفشليني

انفضي تراب گبرج كسري السرداب

وبطيبت كلامچ يمه حاچيني

محتاج النصيحه وداعتچ محتار

شوريني ياأمي ارجوچ انصحيني

اعرفچ انتي دومچ ماطبگتي الباب

شنهو الغيرچ يحبيبه فهميني ؟

مو چنت آنه أأمر وحدي بهالكون

ولوخلص حليبچ ، دم ترضعيني

ولو مرني الكدر والآه والاحزان

بعيونچ ييمه انتي التشافيني

اسمعيني ياأمي ارجوچ اسمعيني

اريد اليوم اوفي شويه من ديني

‏****

معذوره ياامي وادري ملك الموت

مايعرف رحم لافرصه ينطيني

اخذ مني الحبيبه الحتى رب الكون

ضل طول العمر بيها يوصيني

اعذرچ والله يمه وماعليچ قصور

لوما باللحد چا والله شلتيني

احبچ وابقى احبچ لآخر الانفاس

لا تذهب دون ترك تقييمك للموضوع

rating off مسجات عيد الام عراقية 2015   مسجات عيد الام باللهجة العراقيةrating off مسجات عيد الام عراقية 2015   مسجات عيد الام باللهجة العراقيةrating off مسجات عيد الام عراقية 2015   مسجات عيد الام باللهجة العراقيةrating off مسجات عيد الام عراقية 2015   مسجات عيد الام باللهجة العراقيةrating off مسجات عيد الام عراقية 2015   مسجات عيد الام باللهجة العراقية (No Ratings Yet)
loading مسجات عيد الام عراقية 2015   مسجات عيد الام باللهجة العراقيةLoading...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *